شاندێکی باڵای حکومی و بەرگری تورکیا سەردانی بەغدای پەیتەختی عێراق دەکەن

شاندێکی باڵای حکومی و بەرگری تورکیا سەردانی بەغدای پەیتەختی عێراق دەکەن

وەزارەتی دەرەوەی تورکیا رایگەیاند،ئەمڕۆ پێنجشەممە، هاکان فیدان وەزیری دەرەوە، یەشار گیولەر وەزیری بەرگری، ئیبراهیم کاڵن سەرۆکی دەزگای هەواڵگری (میت) و مونیر کاراڵ ئۆغلو جێگری وەزیری کاروباری ناوخۆ سەردانی بەغداد دەکەن.

وەزارەتی دەرەوەی تورکیا لە راگەیەنراوێکدا بڵاویکردەوە، رۆژی 14ی مانگی (ئازار/3) شاندێکی حکومی و بەرگری تورکیا سەردانی بەغدای پەیتەختی کۆماری عێراق دەکەن و لەگەڵ فوئاد حسێن وەزیری دەرەوەی عێراق کۆدەبنەوە.

ئاماژە بەوەشکراوە، شاندەکەی تورکیا پێکهاتوە لە هاکان فیدان وەزیری دەرەوە، یەشار گیولەر وەزیری بەرگری، ئیبراهیم کاڵن سەرۆکی دەزگای هەواڵگری (میت) و مونیر کاراڵ ئۆغلو جێگری وەزیری کاروباری ناوخۆ.

لە راگەیەنراوەکەی وەزارەتی تورکیا ئەوەشخراوەتەڕو، شاندەکە لەگەڵ وەزیری دەرەوەی عێراق گفتوگۆ لەبارەی چەند بابەتێکی خشتەی کاروبارەکان دەکەن، بە تایبەتی بەرەنگاربونەوەی تیرۆر، هەماهەنگی ئاسایش و سەربازی.

ئەمەش لەکاتێکدایە، پێشتر یەشار گیولەر وەزیری بەرگری تورکیا رایگەیاندبو، "پلانیان هەیە بۆ دروستکردنی رێرەوێکی ئەمن بە قوڵایی 30 بۆ 40 کیلۆمەتر بە درێژایی سنورەکانیان لەگەڵ هەرێمی کوردستان و وتیشی، "هاوینی ئەمساڵ کۆتایی بە کێشەی تیرۆر دەهێنین