جاشوا لاندی، شارەزای پرسەکانی رۆژهەڵاتی ناوەڕاست ڕایدەگەیەنێت، مانەوەی هێزەکانی ئەمریکا لە ناوچەی ژێر کۆنتڕۆڵی کوردەکانی سووریا بەشێکە لە ستراتیژیی ئەمریکا لە سووریا.
جاشوا لاندی، شارەزای پرسەکانی رۆژهەڵاتی ناوەڕاست لە هەژماری تایبەتی خۆی لە تۆڕی کۆمەڵایەتیی ئێکس نووسیویەتی، "ئامادەبوونی هێزەکانی ئەمریکا لە ناوچەی ژێر کۆنتڕۆڵی کوردەکانی سووریا بەشێکە لە ستراتیژیی ئەمریکا لە سووریا. کەواتە پێناچێت ئەو هێزانە لە سووریا بکشێنەوە".
ئاماژەی بەوەداوە، ئەمریکا نایەوێت دەوڵەتی ناوەندی سووریا دەستی بگاتە سەرچاوە دەوڵەمەندەکانی ناوچەکەی، بەڵکو دەیەوێت ئەو وڵاتە هەروا لە ژێر دەستی گرووپە جۆراوجۆرەکان بێت.
لاندی جەختی لەوەش کردووەتەوە، تەنانەت ئەگەر ترەمپ بیەوێ هێزەکانی ئەمریکا لە ناوچەی ژێر کۆنتڕۆڵی کوردەکانی سووریا بکشێنێتەوە، ئەوا بەشێک لە بەرپرسانی ئەمریکی کە پێشتریش لەو کارە پەشیمانیان کردبووە، مۆڵەتی ئەو کارەی پێ نەدەن.
ده‌نگوباس
