ئەمڕۆ ڕەوتی هەڵوێستی نیشتمانی، تانەی فەرمی خۆی لەسەر هەڵبژاردنەکانی خولی شەشەمی پەرلەمانی کوردستان پێشکەشکرد.
ڕەوتی هەڵوێستی نیشتمانی لە ڕاگەیەنراوێکدا دەڵێت، لەتانەکەدا بەوردی هەموو بوارەکانی خروقات و ساختەکاری خراوەتەروو، دەیان لایەنی کێشەی هەڵبژاردنەکان لە ڕوی یاسای و تەکنیکیەوە خراوەتەڕوو.
ئاماژە بەوەشدراوە، بەدەر لە ساختەکاریەکان؛ (210 هەزار دەنگ ) سوتێندراوە، زیاتر لە (100 هەزار کەس) بەبیانوی پەنجەمۆر بێبەشکراون لە دەنگدان… تەنیا ئەمە (15 کورسی پەرلەمانە)
هەر لە ڕاگەیەنراوەکەدا باس لەوەکراوە، چەندین وردەکاری پەیوەست بە ساختەکاری و پێشێلکارییەکان بۆ دەستەی دادوەری هەڵبژاردنەکان ڕوونکراوەتەوە، ڕەوتی هەڵوێست پێشترو لەم سکاڵایەشدا داوای (سۆفتوێری) کردوە بۆ سەلماندنی ساختەکاری و گۆڕینی ئەنجام، بەبیانوی ئەوەی لای کۆمپانیای کۆریە؛ نەدراوە.
لەکۆتاییشدا داواکاری رەوتی هەڵوێست، بۆ راستکردنەوەی رێکارەکانی هەڵبژاردن لەکوردستان و عیراقدا باسکراوە، داوای لێکۆڵینەوەی وردی یاسایی و تەکنیکی کردوە، بۆ سەلماندنی ساختەکاری، پاش سەلماندن پێویستە هەڵبژاردنەکانی خولی شەشەمی پەرلەمانی کوردستان هەڵبوەشێنرێتەوە.
