به‌ره‌ى گه‌ل له‌باره‌ى یه‌كه‌م كۆبوونه‌وه‌ى په‌رله‌مانى كوردستان داواكارییه‌كى هه‌یه، سەرپەرشتیاری دامەزراوەی هەڵبژاردنی بەرەی گەل-یش ده‌ڵێت:"بەڵگەیەکی زۆرمان هەیە کە ئامێری دەنگدان دەنگێکی زۆری پوچەڵکردووەتەوەو كۆمسیۆنی هەڵبژاردنەكانیش هیچ زانیاریەكیان لەبارەی سۆفتوێری ئامێرەكەوە نییە".
فێنك ئەحمەد سەرپەرشتیاری دامەزراوەی هەڵبژاردنی بەرەی گەل ئاشكرایكرد، بەرەی گەل داوایكردووە تاوه‌كو وردبینی لەو ساختەكاریانە نەكرێت كە ئەنجامدراون، كۆبونەوەی پەرلەمانی كوردستان نەكرێت.
وتیشى:"ئامێرەكانی دەنگدان ژمارەیەكی زۆری دەنگدەرانی نەخوێندووه‌تەوەو كۆمسیۆنیش هیچ زانیارییەكیان لەبارەی سۆفتوێری ئامێرەكەوە نییە".
جه‌ختیشیكرده‌وه، "ئێمه وه‌ك به‌ره‌ى گه‌ل، ساختەكاریەكی زۆرمان ئاشكراكردووە لەكۆی پرۆسەی هەڵبژاردنی خولی شەشەمی پەرلەمانی هەرێمی كوردستان".
ئه‌وه‌شى وت:"وه‌كو دامەزراوەی هەڵبژاردنی بەرەی گەل دوو تانەمان لەهەڵبژاردنەكان داوەو داواشمانكردووە تاوه‌كو وردبینی لەو ساختەكاریانە نەكرێت كە ئەنجامدراون، كۆبونەوەی پەرلەمانی كوردستان نەكرێت".
به‌وته‌ى فێنك ئه‌حمه‌د، "تانەمان لەكۆی پرۆسەی هەڵبژاردنى خولى شه‌شه‌مى په‌رله‌مانى كوردستان داوه".
نه‌یشارده‌وه، "تانەمان لەئەنجامی هەڵبژاردنه‌كه‌ش داوەو بەردەوامیشدەبین لەئاشکراکردنی ئەو ساختەکارییەی لەدەنگی دەنگدەرانی هەرێمی کوردستاندا کراوەو بەڵگەیەکی زۆرمان هەیە، کە ئامێری دەنگدان دەنگێکی زۆری پوچەڵکردووەتەوە".
